Kami ay isang masiglang komunidad na nagdiriwang sa mga Pilipinong bicycle adventurers na nagbibigay-inspirasyon sa iba na yakapin ang outdoors at pahalagahan ang kagandahan ng Inang Kalikasan.
Itinatampok din ng aming website ang mga mahuhusay na tao na tumutulong sa pagpapalago ng cycling scene sa bansa. Mula sa mga local creators hanggang sa mga maliliit na grupong sumusuporta sa kultura ng pagbibisikleta, kinikilala ng Padyak Tahak ang mga tumutulong na gawing masigla ang komunidad ng pagbibisikleta sa Pilipinas.
Higit pa dito, nakatuon din kami sa pag-preserve ng mga natural heritage at historic landmarks ng ating bansa, na nagpapataas ng kamalayan tungkol sa pangangalaga sa kapaligiran para sa mga susunod na henerasyon.
FYI: Ang lahat ng ideyang ito ay nagsimula noong taong 2020-21 at nai-singit naman gawin ang proyektong ito taong 2022.
LAKBAY AT PAGTUKLAS
Ang bisikleta ay isang hindi kumplikadong ngunit rebolusyonaryong paraan ng paglalakbay na nagbibigay-daan sa mga indibidwal na tuklasin hindi lamang ang kanilang kapaligiran, kundi pati na rin ang kanilang sarili.
Sa paglipas ng mga taon, ang mga bisikleta ay naging napakapopular dahil sa kanilang kapasidad na pahusayin ang pisikal na fitness, palakasin ang kalinawan ng isip, at linangin ang pakiramdam ng komunidad. Higit pa sa pagiging isang paraan ng paglilibot, ang mga bisikleta ay nagsisilbing isang mahalagang instrumento para sa personal na eksplorasyon.
Habang sumusulong tayo sa hinaharap, ang pagyakap sa pagbibisikleta ay makakatulong sa atin na magkaroon ng mas mahusay na pag-unawa sa ating sarili at sa mundong ating ginagalawan. Kung ito man ay para sa kalusugan, pagmumuni-muni, o koneksyon, ang pagbibisikleta ay nagbibigay ng isang makabuluhang paglalakbay ng pagtuklas sa sarili.
SIKLO NG PAGBABAGO
Alam natin na mangilan-ngilan lamang sa ating mga kababayan ang nakatuon at nakikibahagi sa mga usapin tungkol sa pagtaas ng mga carbon emissions na humahantong sa global warming. Ang hamon sa malawakang isyung ito ay isang kumplikadong at patuloy na problema dahil sa nakagawiang pamumuhay o trabaho sa iba’t ibang industriya.Â
Ngunit sa kabila ng lahat ng ito, naniniwala ang Padyak Tahak na ang pagbibisikleta ay isa sa mga nagpapakita ng isang praktikal, pagiging abot-kaya at mahusay na solusyon upang mabawasan ang carbon footprint lalo na sa mga umuunlad na bansa. Kaya naman pinahahalagahan at sinusuportahan ng Padyak Tahak ang mga grupong nakikibahagi sa mga talakayan at gumagawa ng mga programa na naglalayong magpakita ng mga paraan upang bawasan ang carbon footprint at bawasan ang pagde-depende sa mga fossil fuel sa bansa.
Sa pamamagitan ng pagtataguyod ng pagbibisikleta, hindi lamang natin tinutugunan ang mga concerns sa kapaligiran ngunit nagbibigay din ng daan para sa isang mas sustainable at magandang kinabukasan para sa lahat.
